Friday 8 May 2015

Fastway Cable (Jot Cable) Ki Tarf Se Ho Raha Dhokha.

Fastway cable company ne naya business start kiya hai logo se paise hadhapne ka. Ab suniye inki kahani ye kaise logo se paise hadhapte hai aur unko bewakoof bnate hai. Pehle toh ye apka set of box piche se band kr dete hai, aur complaint karne par kehte hai ki apke set of box mein technical problem hai. Fir apka Set of box repair ke liye le jate hai aur kehte hai apka set of box kharab ho geya hai, aur kehte hain ki 700 rupees do apka new box lag jayega aur uski apko life time guarantee milegi. phir puchne par ki jo 1400 rupees pehle liye the box lgane ke time uski guarantee kaha gayi? Toh kehte hai ki uski guarantee khatam ho chuki hai.

Fastway cable ke customer care 92170-92170 number pe call karke complaint karne par company wale kehte hai apko 700 rupees dene ki jarurt nahi hai apki complaint 7 se 10 din mein resolve ho jayegi Aur jab cable operator jo monthly payment lene aate hai unse set of box mangte hai toh wo kehte hai ki 700 rupees doge tabhi set of box milega aise nahi denge. Cable operator jo monthly payment collect karte hai wo receipt 250 rupees ki dete hai aur lekar 270 rupees jate hai. Puchne par ki ye 20 rupees extra kis baat ke toh kehte hai ye humare Service charges hai.

Aur jab hum Jot Cable ke head SETHI aur collection man BALLU ko kehte hai ki company walo ne kaha hai ki koi repair charges nahi lagne phir ap kis baat ke 700 rupees mang rahe ho set of box ke toh wo kehte hai apko set of box 700 rupees de kar he milega aise nahi milega. Aur kehne par ki apki complaint hum news paper mein karege toh kehte hai jao jaha marzi kar do humari sab ke sath setting hai. Wo humare khilaf koi news publish nahi karege. Aur aisa dhokha unhone ek ke sath nahi bahut logo ke sath kiya hai aur abhi bahut logo ke sath kar rahe hai. So hum ye news internet ki help se sab logo tak pohchana chahte hai ki ye ab kisi or se aisa dhokha na kar paye. So agar apke sath be aisa huya hai to apne views jaroor share kare.....